حسي بالمعني الي بيها .........الضمير............ كلمات يحيى العبادي
=============
دوريها جوه نفسك
واحفظيها جوه روحك
وسكنيها ركن بقلبك
واكتبي يسعدني بوحك
وارجعي قولي عنها
هي دي اصل الحياه
كلمه حلوه وقلب صافي
والامل عمره ماتاه
خلي ليك وقت حسي
عيشي بقلبك والضمير
الحياه بالحب مركب
ايوه ركابه مش كتير
الي عايش عشان يعيش
والي بيعيش عشان يحب
والي جرحه مابينتهيش
والي مالوش اي قلب
والي حكايته جوه ناسه
والي براها واخده ذنب
والنهايه والبدايه عيشي بالضمير
حسي بحيات البشر
الي تايه......... والفقير
والي من وهمه انكسر
والي في الهموم اسير
والي شايف كل البشر
ولما تشوفيه تقولي ضرير
ايوه عيشي وافهمي حواري
ايوه خلي عندك ضمير
دوريها...... وافهميها
جوه روحك سكنيها
لو هاتنسي انك بشر
هاتروح في لحظه
مش هاتلاقيها
هي كلمه حلوه منك
جوه قلبك سكنيها
عيشي تاني بحلم حبك
خليكي صادقه واعلنيها
بالضمير هندميها وزوقيها
هي كلمه حسي بالمعني الي بيها
...............الضمير..................
Commentaires
Enregistrer un commentaire