الحب مش مهزله الحب للمرجله...../للشاعرة كارمن كارمن

خلاص مش عايزاك 

هو انت فاكر إني بدوب في هواك ؟

لا يا ابن الناس إنت طلعت من نفسي 

روّح وشوف وحدة غيري تجري وراك 

هو علشان قلتلك بحبك تتقل عليّ؟

لا ياغالي أنا متعودتش اهين كرامتي 

دة أنا متربيه  على عزة النفس 

سيبك من أفكارك الرجعيه 

مش كل يوم ألاقيك في حال 

لازم تقرر وتختار 

يا تكون معي على طول 

او تفارق وأشوف عرض كتافك 

يلا بئاا خلينا نشوف رشاقه خطوتك 

بالسلامه والقلب دعيلك 

مش عايزة وجع دماغ أنا دخيلك 

الحب مش شعارات ولا هبل 

يوم تفكر تحب لازم تكون راجل بجد 

الحب مش مهزله ولا لعب عيال 

الحب مشاعر حلوة وسهر وقمر 

أما انت عالحال دة متنفعش ومتلزمش 

يا تكون معي طول الوقت يا اما تفارق من سُكات 

وكأن حبك في يوم ما كان 

اختار يلا علشان انا معنديش وقت 

وانا غلطانه اني عليك وافقت 

تعلم الحب صح وبعد كدة انت تعرف عنواني 

او تهاجر وتنسى مكاني 

فهمت يا حيله أمك ولا أعيد تاني؟؟

كارمن كارمن