راني معاك داوي/الزجال محمد الادريسي

 زجل...رَانِي مْعَاكْ دَاوِي

محمد الادريسي

المغرب

     مَاجَرَّبْتِي حَرْ اّلغَرْبَة

وَلَا عَشْتِيهَا  فّ بْلَادْ

      وَلاَ سَالْتْ فّ دِّيكْ الگَرْبَة

ولا فيُومْ م  نّقَسْ لِيكْ اٌلزَّادْ

          مَا هَدَّكْ  دَقْ اٌلضَرْبَة

وَلَا  دَّاتَكْ حَمْلَة فّ اٌلوَادْ

  وَلاَ تّكَسَّرْ جَنْحَكْ فّ سَرْبَة

كُنْتْ  نسَرْ فِيهَا  گَوَادْ

       مَا سْلَكْتِي فْ طَرِيقْ العَگْبْه 

عّ لًشَوَاكْ مشيتها هَوَّادْ

     وَلاَ طَعْنَكْ خَنْجَرَ الٌگَلْبَة

ظِّنِينَاهْ فِينَا مَ لْجْوَادْ

     صّدِيقْ مَا قَدّرْ لُونْ الٌزَّغْبَة

شْعَرْ فّ شْقَاهْ بّيَاضْ وَشَابْ 

           وَلاَ قَدَّرْ دِيكْ الّشَّرْبَة

مَنْ بِيرْ عّمِيقْ كُلُّ غْيَابْ

    بَلَّلْ اٌلرِّيقْ وَرْمَى بْ  شَطْبَة

غَطَّاتْ الٌبِيرْ مَنْ كُلْ جْنَابْ

         تْرَكٌو غْدِيرْ خْوَاضْوُ تًرْبَة

وَقَالْ  اٌلحْـــــــــسًااااابْ 

مًنْ أَلْفْ حّْسَـــــــــااااابْ

.......... ............ ........

مَا جَرْبْتِي ضِيقْ الٌخَاطَرْ

           وَلاَجَرَّبْتِي طْلُوعْ لجْبَــــال ْ

عَرْقْ عَلْ لّجْبِينْ يَتْقَاطَـرْ

           وَلَا تْقَطَّعُ فّ دِّيكْ حْبَـــالْ

مَا عَاشَرْتِي طْيُورْ تَغَـــرَّدْ

           مَا كْبَرْتِ سْجِينْ  لَقْفَاصْ 

الٌعَاقَلْ من حْلَامُو تّجَــرَّدْ

             وًاقف بضَرْبتْ  لَرْوَاسْ 

زَادْ اٌلحَالْ فِــــــينَا  دَوَّدْ

                 سَالْ الٌدَّمْعْ بْلاَ قْيَاسْ

 كَأَنَّكْ مَنْشَارْ طَالَعْ مْهَوَّدْ

 تْقَطَّعْ فْ عْمُودْ الٌسَّاسْ

بسلاح الشر تقتل به مزود

بلاَ رَحْمَةّ بحلَا إِحْسَاسْ