صوط... ولكن رد بالك/قلم الزجالة الباتول العقاد

 قصيدة زجلية بقلمي

الشاعرة الباتول العقاد

                         صوط... ولكن رد بالك

__________

صُوطْ ؤُ نْفَخْ  بالرَّابُوزْ...

حْتَّى يَّتْقَضَا لِيكْ الجْهْدٰ

نْوْضْ لْعْجَاجَا لَعلَ  جّْمَّرْ يَزْنَدْْ

وْلاَتٰ فْعَايْلَكْ حْطَبْ غِيرْ زِيدْ حْتَّى يَطَّرْطَّقْ الجَّلْدْ

مْصَّابْ لعَافْيَا لِكَادْيا فكْلِيْبَكٰ تَبْرَدْ

عْمَاتْكْ لْغِيرَة ؤحْرَقْ دَمَكْ لْحْسَدْ

ٰبَاغِي تْشَتَّتْ بَاغِي لِي بْنِينَاهْ يْتْهَدْ

ؤُ تْبْقَا نَاشْطْ ؤُ فٰمْصَايْبْ النَّاسْ كَتْلَذذْ

نٰسِيتِي الصَّحْبَا ؤُ مْحَنَتْنا مَكَانْ لِيها حدْ

نٰسِيتي نْهارْ حْتَاجِتِينَا  مَدِينَا لِيكْ اليَّدْ...

وْقَفْنَا مٰعَاكْ رْجْلَا مَالِيهَا حَدْ

دَرْنَاكٰ وَلْدْنَا ؤُ نْسِيبْ ؤُخَالْ ؤُجدْ

عقلك تْوَضَرْ ؤما فخْلاقَكْ فْسَدْ

غِيرْ زِيدْ صُوطْ 

رَاهَا شعْلاَتْ وهْْبَاتْ

ؤُرْمَادْهَا وْلاَ حْمُومْ يَعْمِي لَعْوِِِينَاتْ

ؤُ وَلاَ صْمَقْ مِنْذْنُوبْ فِلْوَاحِكْ تٰكَتْبَاتْ

ؤُ بْفٰعَايْلَكٰ لَكٰلُوبْ كْحَالْتْٰ ؤُقْسَاتْ

وبْسُمَّك لْكَسْدَا خَنْزَاتْ ؤُ دُوْدَاتْ

صُوطْ صُوطْ 

اللَّهْ يَارْبِي فِينْ غَادِي تْبَاتٔ

كُنْ عْرَفْتِي صَبْرِي عْلِيكْ فِكَلْبِي مْنْ وَقْتَاشْ

بَارَكَا مَتْحُكْ ؤُ تْرَشْ فِمَلْحْ عْلْدَّبْرَا ؤُ عْلاَشْْ

يَا خُوفِي عْلِيكْ  لَا تَحْسَبْ مَادِرْتِي فَاتْ 

غَيْجِي يُومْ طِيحْ فِزُوبِيَّا لِي بِكْ كْدَاتْ 

رْجَعْ يَا حْبِيبِي لَأَصْلَكْ نْقِي بَاقِ لْحَالْ مَفَاتْ

ؤُجْمَعْ لَمَّة لِي بِسْبَابْكْ تْشْتَاتْ

لْعَافْيَا لُي شْعَلْتِي غِيرْ فِجْلاَيْلَكْ شْدَّاتْ

رَدْ بَالَكْ لْحَفْرَا لِي حَفَرْتِيهَا ؤُ تْوَسْعَاتْ

مَايْطِيحْ فِيهَا إِلاَّ نْتٓ بٰلَامَا تْسَوْلْ كِفاشٰ

ؤُ كُولي يَاصَاحْبٍي فِيمْنْ جاتْ