حياتنا هذي كنعيشوها. / الى متى / قلم الاستاذة حبيبة اخريف/
/
فيها لبيض ؤلكحل
فيها لي عندوا ولي كيطلب
فيها لي كيضحك ولي تيبكي
فيها لي كيصرف بالدولار
فيها لي عل لفرانك تيجري
فيها لي تًـــــلاجتو عامرة ينوض
الصباح بالعصير يفطر
فيهالي يفتحها ريحت
والوا فيها يـــًـصفر
شي يفكر باش الفواتير يخلص
شي يعطي البقشيس باش
يسبق يخلص
شي مخاصم علي كرشو
شي من مرجان مسوق
تقولو لي هي الحياة تناقضات
علاه دار ربي الزكاة
باش ميخلي الدار تشعل
علي العطرية يسول والزيت
وزيد وزيد
تعرفني ملي نصوة
باك كان صاحبي
قرينا فمدرسة وحدة
ما عاود ليكش عندك علي
ما تصوت الي حتاجتي شي
حاجة انا موجود
غدا يقلب عليك الگفة
تسنى فالباب ف اجتماع يقول ليك
يخرج ما يسول فيك من مستواه ما بقيتي
لقرايا لي قريتي باح نجحتو هو ونت لعود فعنيك
طلع الكسول يفهم عليك السياسة عطاتوا ونت عاونتيه
باش اليوم ينكر باباك لي قرا معاه وحتي اصلك
لهجتك ماشي ديالوا ما تتكلم كلاموا
ما لبستي كرافتا بحالو
بقيتي جبيلو لابس الجلابة فنظرو
تتحشم بيه اليوم هو بر مائي
ونت ياحصرة فالبر ما تعوم عوموا
باش توصل ليه
نت تقاتل مع الفول واللوبية غالية حتى هي
القرش ولوركا ياكل هو فيه
ناسي الدربالة ولحبس لي كان فيه
واصبح انا فلان ونتوما فرتلان أوا قدوا عليه
وعاودوا صوتو عليه يجيب ليكوم لبحر تغرقو فيه
حبيبة أخريف من المغرب
Commentaires
Enregistrer un commentaire