مالك مغرور// قلم ناسك الرقراق الاستاذ محمد طيطيشي

 

الغرور ما جاش امعاك

بان عيبو فيك وتشوهتي

والحكرة مرباكش اعليها اباك

عيب اعلى النسا احكرتي

واخا تهرب الغوت اوراك

ك ابقيتي ساحي ك اسكرتي

ذاك العود اللي احكرتيه اعماك

الشوف ماشي كيف احسبتي

الخير ايلا درتيه ايجي امعاك

والشر ايلا اركبتي اعليه اخسرتي

منك عداد السانهم سم فرتاك

وهذي رحبة افليو اعلاش اعطستي

اخسارة غبتي ساعة وتوحشناك

ودابا القلب تمنى كون غير تهتي......

محمد طيطيشي. ناسك الرقراق. 

...