* فراقك صعيب/ قلم عثمان كامل
ربنا يجدد الرحمات على أخي جلال اللهم أسكنه جنة الفردوس الأعلى يارب العالمين
* فراقك صعيب
××××××××××
كيف نبكيك يا خيي
و كيف انّوح و نعد
من كان للخاوة سور
اليوم على غفلة تهد
ف بلاد الغير تغربتي
حسبناها قدار الحياة
كنتي شمعة و طفيتي
خليتينا نتهما ف الظلمات
الله الله
كيف نرثيك خويا جلال
ما همني
ما رشاني
غير فراق الخاوة
ما نا ساخي
جميع لحباب مضيومة
حنا ف الصدمة ساوا
خداتك الموت الغدارة
حرقت لقلوب
ضعتي جلال سكنتي تابوت
كيف ف غيابك نتداوا
حنة يااا حنة
فين لحلام
و فين بلاد الروم جنة
لميمة عل لفراق صابرة
وقتها تخمام
ف قدومك كل يوم تتسنى
موت الغفلة محنة
بخنجر و طعنة
جلال غاب غاب
و لميمة تبكي و تنوح شادة ركنة
[ بقلم : عثمان كامل ]
#الفقيه_بن_صالح ☆ MOROCCO ☆
Commentaires
Enregistrer un commentaire