مشاو الناس// للمبدع ميصر عبد اللطيف

   مول النية فهاد زمان يحسن عوانو

                         فين ايقيل  فين    يبات

   فدرب هاد زمان تلف       عنوانو

                          تايه حيران متلف لخطوات

المعقول مشا  ارحل      زمانو

                         لحيا وحشمة يابابا  بقات

الباطل اكبر والزور نوض سنانو

                     كل ساعة ينبز يعض عضات

الحق ينوح يبكي على  زمانو

                   فهاد زمان  مطعون   طعنات

والمنكر تعاشر صاحب شيطانو

                   السهرة رذيلة  ولقصارة زلات

مشاو الناس بقاو غير لماس خرجو وبانو

                            فشوارع هوما وطروقات

ماكذبو دوك الناس بلكلام ومعانو

               الله يرحمهم ويجدد عليهم رحمات

نترجاو الرحمة من المولى سبحانو

                بسط الأرض ورزق لينا وعلا سماوات

           ميصر عبد اللطيف 15 5 2023